جيت اقول (اني احبك)

لا تقول اني ذكرت .. ولا تقول اني نسيت
كيف يعني يذكرك ... انسان لحظه مانساك

ادري اني صدق احبك.. وادري انك مادريت
اني حتى ضد نفسي ... صرت ياعمري معاك

لو اقول وش كثر احبك ! ما تصدق لو حكيت
داااام حبي فووق والله مستواي ومستواك

{ كل حرف ٍ لك كتبت } و { كل حرف ٍ لي قريت }
{ في شي ٍ من عناي } و { فيه شي ٍ من غلاك }

في غيابك ... ياحبيبي ياكثر ماقلت لييت
وياكثر ما قيييل عني في غيابك وش بلاك

مو مهم اللي جرى لي ... المهم انك رضيت
دام يزعلني زعلك ... ودام يرضيني رضاك

انت دمع ٍ في عيوني .. مابكيته لو بكيت
وانت كل اللي كتبته ... وانا بس اللي قراك

وانت درب ٍ من بديته في حياتي ماانتهيت
وانت تعني لي بهالدينا نجاتي والهلاك

جيتك أتأسف حبيبي .. وأعترف اني خطيت
جيتك اسبق لهفة اشواقي ويسبقني غلاك

وانا مدري { شلت قلبي لك } بعد عمري وجيت
والا { قلبي شالني لك } يابعد عمري وجاك

جيت اقول { اني احبك } شفت عينك استحيت
في عيونك قدرة الله ... واشهد أن الله عطاك